La Janada del cinquantenari
Culture / Balèti, Feu, Concert, Animation jeunesse, Danse, Exposition
Infos pratiques
Date : Du 28 au 29 juin 2024
Horaire : A partir de 18h30
Adresse : Place Sainte-Cécile
81000 Albi (Tarn)
Place Sainte-Cécile
Téléphone : 05 63 46 21 43
Evénement gratuit
Site web : http://www.centre-occitan-rochegude.org/
Description
La Sant-Joan s’apròcha ! E òc, dempuèi 1974, lo Centre Cultural Occitan d’Albigés organiza la Janada, una granda fèsta tradicionala de la Sant-Joan, sus la Plaça Santa Ceselha d’Albi. E aquela annada serà particulara, puèi que nos festejaràn lo Cinquantenari de la Janada albigesa !
Per marcar aquela data especiala, las festivitats s’espandiràn aquel còp sus dos jorns : dos jorns de dança, de musica e de jòia, que se debanaràn atal :
Divendres 28 de junh, a sièis oras e mièja, lo Passa-carrièra vos entrainarà al son del graile de la plaça del Vigan fins a la Plaça Santa Cecília.
Puèi a sèt oras quinze, poiretz aplaudir los pichons venguts restituïr las danças occitanas apresas a l’escòla dempuèi lo mes de mai, al son de la Talvera.
Antoine Charpentier e Los Bufarèls prendràn la seguida amb lor repertòri trad, fins al moment del bal trad per pichons e grands ont poiretz dançar fins al cap de la nuèch !
Dissabte 29 de junh, rendètz-vos tre quatre oras e mièja per assistir al montatge del lenhièr !
Puèi le Ressèga se desplaçarà per la carrièra Mariès, la plaça del Vigan, la carrièra de l’Ostal de la comuna, fins a la plaça Santa Cecília, per daissar plaça al Bal dels pichons, animat per Los Bufarèls amb Antoine Charpentier e los escolans del Conservatòri de Musica e de Dança de Tarn.
Poiretz puèi profechar del mercat lepet de la plaça santa-Cécile, per una pausa plan meritada abans un concèrt endiablat del grop Mbraia.
Puèi lo Cortègi als brandons desfilarà dempuèi la plaça del Vigan al son dels Bufarèls, per s’arrestar sus la plaça Santa Cecília per que la Janada s’abrande !
La serada s’acabarà en musica amb lo Bal trad enflamat pel duò Antoine Charpentier & Yannick Delclaux.
Evénement ayant reçu le soutien de la Région Occitanie / Pyrénées-Méditerranée
Organisation
Centre Cultural Occitan de l'Albigés, en partenariat amb Albi Occitana
Adresse : 28 rue Rochegude, 81000 Albi
Site web : http://www.centre-occitan-rochegude.org/
Téléphone : 05 63 46 21 43
